Mazkur o`quv qo`llanma “5A420104-biotexnologiya” mutaxassisligi magistrantlariga o`tiladigan “Biologik faol va dorivor moddalar biotexnologiyasi” fani bo`yicha davlat ta`lim standartlari (DTS) ga va o`quv dasturiga muvofiq tarzda yaratilgan. Ushbu o`quv qo`llanmada biofaol moddalarning tuzilishi, umumiy xossalari, tasniflanishi, aminokislotalarni biosintezlash texnologiyasi va sanoat miqyosida ajratib olish istiqbollari, antibiotiklar, bakterial dori-darmonlar, fermentlarni ajratib olish hamda organik moddalarni mikrobiologik transformatsiyalash va ularni qaytarilishini amalga oshirish yo`li bilan biofaol moddalarni ajratib olishga qaratilgan biotexnologik uslublarga oid ma`lumotlar keltirilgan. Unda materiallarni o`zlashtirilishini samaradorligini oshirish maqsadida jadvallar, grafiklar, rasmlar va biokimyoviy formulalar hamda tenglamalar keltirilgan bo`lib, ular mavzular matnlari bayoni bilan uyg`unlashtirilgan. Ushbu o`quv qo`llanma biolog bakalavrlar, biokimyogar va biotexnolog magistrlar hamda zamonaviy biotexnologiya faniga oid bilimlarini chuqurlashtirishni xoxlovchi keng kitobxonlar ommasi uchun mo`ljallangan.