Unilibrary. Oliy ta'lim muassasalarining yagona elektron kutubxona axborot tizimi.

Ekologiya

O'quv qo'llanmada sanoat korxonalarning atrof-muhitiga ya'ni atmosferaga, litosferaga, gidrosferaga ta'sirini, ekologik tanglik holatlarida ulardan chiqish chora-tadbirlarini tanlay bilishlari, resurslardan oqilona foydalanish va shunga munosib ishlab chiqarishni tashkillashtirish bo'yicha chuqur bilim olish hamda ilmiy nazariyalarni amalda samarali qo'llashni o'rganish bo'yicha ma'lumotlar mujassamlangan bo'lib, talabalarda bu boradagi ma'ruza va amaliyot darslarida olgan bilimlarni mustahkamlashga imkon beradi.

Qishloq xo'jaligi muhandislik asoslari

«Qishloq xo'jaligi muhandislik asoslari» nomli ushbu o'quv qo'llanma keng jamoatchilik tomonidan iliq kutib olingan. Chunki bu sohada turli kitoblar ko'p bo'lsa-da, aniq va lo'nda ma'lumotlar kam edi. Shu bois, ushbu kitobda qishloq xo'jaligi muhandisligining keng va xilma-xil sohasi asosiy nuqtalar shaklida qisqa, lo'nda va oson eslab qolinadigan tarzda bayon etilgan. Ya'ni taxminan 5000 ta asosiy nuqtalar keltirilgan.

Fan falsafasi

Amerikalik olim Aleks Rozenberg tomonidan nashr qilingan ushbu o'quv adabiyoti Falsafa bakalavriat ta'lim yo'nalishi talabalariga "Ontologiya va bilish nazariyasi" fanining 3 moduli va "Falsafa va fan metodologiyasi" fani bo'yicha ma'ruza va seminar mashg'ulotlariga tayyorgarlik ko'rish uchun yordamchi qo'llanma sifatida tarjima qilingan va nashrga tayyorlangan.

Tut genetikasi

Ushbu kitob tut daraxti (Morus L.) haqidagi hozirgi bilimlarni o'z ichiga olgan birinchi keng qamrovli to'plamdir. Unda botanika, sitogenetika, biologik xilma-xillik, genetika va seleksiya, biotexnologiya va genetik transformatsiya, biotik va abiotik omillar, molekulyar xaritalash, QTL aniqlash, to'liq genom ketma-ketligi hamda faol genomikaga oid izohlar keltirilgan.

Musiqiy mavzular va musiqiy ijro

Musiqashunoslikdagi mavzularning asosiy maqsadi musiqiy asar ichida ma'no yuklovchi birliklarni aniqlash bo'lib, ular o'z davridagi tinglovchilar tomonidan tushunilgan, shuningdek, boshqa kontekstda keyingi avlod tinglovchilari tomonidan ham tushunilishi mumkin, biroq tarixdan xabardor bo'lgan holda tinglashni talab qiladi. Leonard Ratner 1980-yilda mavzular g'oyasini ilgari surganidan beri, uning nisbatan sodda fikrlari bir qator yetuk mualliflar tomonidan rivojlantirilib kengaytirildi.

Jahon musiqa tarixi

Ushbu oʻquv qoʻllanma mashhur nemis kompozitori, XIX asrning eng yirikopera kompozitorlaridan biri, “katta fransuz operasi” janrining asoschisi Jakomo Meyerberning hayoti va ijodiga bagʻishlangan. Qoʻllanma uch bobdan iborat boʻlib, unda kompozitorning ijodiy yoʻli, operalarining badiiy xususiyatlari va ularning jahon musiqa sanʼatidagi oʻrni atroflicha yoritilgan. Qoʻllanmada Jakomo Meyerberning operalari, xususan, “Robert-iblis”, “Gugenotlar”, “Afrikalik ayol” kabi asarlarining noyob ifoda vositalari, uslubiy xususiyatlari hamda opera ijodiyotining umumiy tamoyillari tahlil qilinadi. Qoʻllanma musiqashunoslik yoʻnalishi talabalari, tadqiqotchilar va keng kitobxonlar ommasi uchun moʻljallangan. Kitob yakunida bilimlarni mustahkamlash uchun test savollari, mavzuga oid atamalarni izohlovchi glossariy va foydalanilgan adabiyotlar roʻyxati keltirilgan. Ushbu nashr Jakomo Meyerber ijodini chuqurroq oʻrganishda muhim manba boʻlib xizmat qiladi.

Ijodiy tafakkur sohibi. Ijod faylasuflarining dizayn sohasida mahoratlari va oʻziga xos uslublari

Ilhom ijodkorlikning yagona manbai degan tushuncha bor. Xuddi ijodiy g'oyalar rassomlar, dizaynerlar va umuman ijod ahli qalbiga osmondan tushadi-ganday, kutilmaganda kelarmish. Mazkur qo'llanmada biz o'quvchiga butunlay boshqacha yondashuvni, ya'ni dizayn - g'oyalarni ijodiy ishga aylantirish uchun foydalaniladigan ma'lum qadamlar, bosqichlar va vositalardan tashkil topgan jarayon ekanligini isbotlashga harakat qilamiz. Mazkur xorijiy o'quv adabiyoti professor-o'qituvchilar, doktorantlar, magistrantlar va talabalarning o'quv va ilmiy faoliyatida foydalanish uchun mo'l-jallangan. Shuningdek, ilmiy izlanishlar olib borayotgan mustaqil tadqiqotchilar va keng ilmiy jamoatchilik uchun tavsiya qilinadi.

Succeed in City & Guilds

The tests are intended for test takers who are speakers of other languages (ESOL) and who would like to demonstrate their ability to communicate in English. Many English-speaking universities accept this qualification as evidence of language proficiency for entry onto their courses.

Geologiya

Professor Rajiva Guheyning "Geologiya: Nazariy va amaliy tamoyillar" nomli kitobi geologiya faniga qiziqqan talabalar uchun mo'ljallangan bo'lib, unda geologiya sohasining turli yo'nalishlariga oid barcha zarur ma'lumotlar jamlangan.

Boshlang'ich ta'lim va texnologiya ta'limi bo'yicha xalqaro qo'llanma

Mazkur qo'llanma xalqaro texnologiya ta'limi boʻyicha xorijiy olimlarning olib borgan tadqiqotlaridagi ilmiy-amaliy maqolalari jamlanmasi asosida tayyorlangan bo'lib kitob umumiy o'rta ta'lim maktablarining boshlang'ich sinflari uchun mo'ljallangan.

Davlat kadastr asosi

Fanni o‘rgatishdan maqsad talabalarga Davlat kadastrlarini tuzishning zamonaviy tamoyillarini o'rgatish, yer, suv, o‘rmon, ko'chmas mulk va shaharsozlik kadastrlarini tuzish va ulami yuritish usullarini o'rgatish, mahalliy va xorijiy tajribalar asosida Davlat kadastrlarining yagona tizimini yuritish bo'yicha zaruriy ko’nikma va malakani shakllantirishdir. Fanning vazifasi - talabalarga «Davlat kadastri asoslari» fanining mohiyati, O'zbekiston Respublikasi hududida turli obyektlar kadastrlarini tuzishning mazmuni, ahamiyati va kadastrlarning turlari va uning xususiyatlarini o‘rgatishdan iboratdir.

O'zbekiston tarixi 5-qism

O;iy o'quv yurtlari tarix fakultetlari uchun o'quv qo'llanma ta'lim yo'nalishi: 60220300 - Tarix (mamlakatlar va yo'nalishlar bo'yicha)

Kompyuter muhandisligi asoslari

Kitobda dasturiy ta'minot turlari, MS Office, dasturlash asoslari, ma'lumotlar tuzilmalari va obyektga yo'naltirilgan dasturlash tushunchalari yetarli tafsilotlar bilan yoritilgan. Shu bilan birga kitobda kompyuterlarning tarixiy rivojlanishi, internetga asoslangan rivojlanish va bulutli hisoblash haqida ham so'z boradi.

Jamoatchilik bilan strategik aloqalar II-jild

Amerikalik olimlar Jenis Terujji Peyj va Lourens J. Parnell qalamiga mansub «Jamoatchilik bilan strategik aloqalar (Raqamli, global va ijtimoiy mas'uliyatli kommunikatsiya)» nomli darslikda kommunikatsiya va PR tushunchalari hamda ularning mohiyati, PR texnologiyalardan foydalangan holda maqsadli auditoriya-ga axborotlarni to'liq va samarali yetkazish usullari haqida ma'lumot beriladi.

UMUMIY PEDAGOGIKA

Ushbu o'quv qo'llanmada oliy ta'lim muassasalarida Umumiy pedagogika fani o'qituvchilarining Ekologik ta'lim tarbiya ishlarini tashkil etish hamda ta‟lim oluvchilarda ekologik madaniyat, ekologik kompetentlikni rivojlantirish bo'yicha pedagog olimlar tomonidan olib borilgan ilmiy izlanishlar, mamlakatimizda atrof muhitni muhofaza qilish va ekologik muammolarning oldini olish borasida olib borilayotgan islohatlar tahlili amalga oshirilgan. O'qituvchilarning innovasion ekologik kompetentligini takomillashtirishga yo'naltirilgan integrativ kurslar bo'yicha o'quv majmualari, ekologik madaniyatni rivojlantirishning auditoriyadan tashqari shakllari va usullari, ekologik loyihalar, ekologik dialoglar, ekologik kompetentlikni rivojlantirishga yo'naltirilgan tarbiyaviy tadbirlarni amalga oshirish hamda o'qituvchilarni tayyorlash, qayta tayyorlash va malakasini oshirishda ham foydalanish mumkinligi bilan asoslanganligi hamda talabalarda ekologik kompetentlikni rivojlantirish zarurati aniqlangan.

Tilshunoslik: funksional kirish

"Tilshunoslik: funksional kirish" - bu mazkur fanga endi kirib kelganlar uchun qisqacha til haqida boshlang'ich ma'lumotlarni o'zida jamlagan qo'llanma. Kitob tilshunoslik tushunchasini tanishtirish va fanga doir turli yondashuvlar bilan boshlanib, til birliklarining qurilishi haqida tushuncha beradigan fonetika, fonologiya, morfologiya, sintaksis va semantika boblariga ajratilgan. Shuningdek mavzular til o'zgarishi, yozuv tizimlari, sotsiolingvistika, psixolingvistika va tilni o'rganish usullari bilan boyitilgan. Har bir bob-da tilni o'rganishga yordam beradigan misollar keltirilgan. Mazkur o'quv qo'llanma tilga oid boshlang'ich bilimlarni egallashni istagan talabalar va turli dasturlar bilan ishlaydigan tilshunoslarga mo'ljallangan.