Darslik “Patologik anatomiya, gavda yorish va veterinariya sud ekspertizasi fanining o‘quv dasturi” asosida tayyorlangan bo‘lib, oliy o‘quv yurtlarining 5440100 - Veterinariya, 5111000 - Kasb ta’limi (Veterinariya) yo‘nalishi bo‘yicha tahsil olayotgan talabalari va veterinariya mutaxassislari uchun mo‘ljallangan. Darslik uch qismdan iborat bo‘lib, birinchi qismida umumiy patologik jarayonlar - nekroz, nekrobioz, distrofiya, atrofiya, qon va limfa aylanishining buzilishi, yallig‘lanish, ikkinchi qismida organopatologiya - ovqat hazm qilish, nafas olish, yurak va qon tomirlari, siydik va tanosil sistemasi, nerv sistemasi kasalliklari va ularning patologik o‘zgarishlari, uchinchi qismida esa bakteriyalar, viruslar, zamburug‘lar, sodda jonivorlar - kanalar, gelmintlar chaqiruvchi kasalliklarning patomorfologiyalari shuningdek gavda yorish usullari va veterinariya sud ekspertizasini olib borish bo’yicha batafsil ma’lumotlar bayon etilgan.